Ўзбекистонга Президент қарорига асосан 1,2 миллион доза «Pfizer» вакцинаси ва яна бир қанча турдаги вакциналар олиб келинади. Бу ҳақда «Газета.uz» хабар берди.

Шавкат Мирзиёев 29 июль куни Тошкентдаги Олмалиқ шаҳрига ташрифи чоғида « Jurabek Laborotories» МЧЖ қўшма корхонасида «COVID-19» га қарши вакцина ишлаб чиқариш жараёнлари билан танишди.

 Хабар қилинишича, Ўзбекистонга яна 17,9 миллион доза вакцина етиб келиши кутилмоқда:

• «Moderna» — 3 миллион доза;
• «Pfizer/BioNTech» — 1,2 миллион доза;
• «Спутник V» — 1,7 миллион доза;
• «ZF-UZ-VAC2001»  — 12 миллион доза.

Маълумотларга кўра, 2021 йилда харид қилинган барча вакциналарга 44 миллион 761,5 минг доллар сарфланган. Улардан ўзбек-хитой вакцинасига 39 миллион 100 минг доллар, «Спутник V» вакцинасига 3 миллион 681,5 минг доллар ва «Astra Zeneca» вакцинасига 1 миллион 980 минг доллар сарфланган.

Аввалроқ Ўзбекистонда «Спутник V» вакцинаси қачондан ишлаб чиқарилиши ва Ўзбекистонга «ZF-UZ-VAC2001» вакцинасининг яна 1 миллион дозаси олиб келингани ҳақида хабар берилган.