Сербия президенти ёлғонни аниқловчи қурилмада cўроқ қилиниши мумкин
Сербия президенти Александар Вучич ёлғонни аниқловчи қурилмада синовдан ўтишга тайёрлигини айтди. Бу ҳақда «ТАСС» хабар берди.
Маълум бўлишича, сиёсатчи мафия билан алоқада бўлгани ҳақида гумонлар туфайли полиграфдан ўтишга тайёрлигини билдирган.
«Черногорияда пайдо бўлган ва уюштирилган бу жиноий гуруҳ замонавий Сербия тарихидаги энг даҳшатли жиноятларни қилганини ҳамма билади ва мен учун бу — ақл бовар қилмайдиган воқеа. Шу билан бирга, оммавий ахборот воситалари сайлов кампаниясини олиб бормоқда, бизни эса бу одамлар билан алоқада деб айблашмоқда, сиз эса уни бир неча кун тинглайсиз, беш кун давомида ёлғонни эшитасиз», — деган у. Вучичнинг қўшимча қилишича, ички ишлар вазири Александр Вулин ҳам полиграфия текширувидан ўтишга тайёр.
Аввалроқ Қирғизистоннинг собиқ бош вазири «Қумтор» иши бўйича ҳибсга олингани айтилган. Шунингдек, Мадагаскарда президент ҳаётига суиқасд қилишда гумонланган 20 дан ортиқ одам ҳибсга олингани хабар қилинганди.
