Бугуннинг энг сара суратларини эътиборингизга ҳавола этамиз.

Боливиядаги Пупо кўлининг қуриб қолган қисмида тўнтарилиб қолган қайиқ. Сўнгги йиллардаги иқлим ўзгаришлари айрим ҳудудлардаги қурғоқчиликка сабаб бўлмоқда.

Туркиядаги ўрмон ёнғинлари ортидан Грецияда ҳам ёнғинлар юз бермоқда. Маҳаллий аҳоли ёниб кетган трансформаторни ўчиришга ҳаракат қилмоқда.

Афғонистон пойтахти Кобулда автомобилга ўрнатилган бомба портлаши оқибатида 10 га яқин киши жароҳатланган. Ҳужум мамлакат мудофаа вазири Бисмиллоҳ Муҳаммадийга қаратилган бўлган. Ҳужум учун жавобгарликни «Толибон» гуруҳи ўз зиммасига олган.

Бугун Байрут портида юз берган кучли портлашга бир йил тўлди. 2020 йилнинг 4 август куни портда кучли портлаш содир бўлган ва пойтахт жуда катта зарар кўрган эди. Суратда портлаш юз берган ҳудуднинг дрондан олинган ҳолатини кўриш мумкин.

Туркиядаги ўрмон ёнғинларини ўчиришга сафарбар қилинган вертолёт. Жараён давом этмоқда.

Токиодаги Олимпиада ўйинлари бизга бир-биридан қизиқарли ҳолатларни тақдим этмоқда. Суратда хитойлик гимнастикачи Юфей Лу йиқилиб тушган вазият.

Туркиянинг Битлис вилоятида жойлашган Ван кўли соҳилларида қўйларини суғораётган чўпонларни суратга олаётган фотограф.

Бу йил бутун дунё ёнаётгандек гўё. Суратда Калифорниядаги ўрмон ёнғинларидан бир лавҳа.

АҚШлик Тара Девис узунликка сакраш бўйича ўз чиқишини якунлаган вазият.

Бугун АҚШнинг собиқ президенти Барак Обама 60 ёшга тўлди. Суратда унинг туғилган ери ҳақида берилган саволга ҳазил тариқасида жавоб берган вазият.

Барак Обама Гавайи оролларида дам олишда. 2013 йил 1 январь