Туғилганида дунёдаги энг кичкина чақалоқ сифатида қайд этилган қиз 13 ойлик интенсив даволанишдан сўнг Сингапур шифохонасидан чиқарилди. Бу ҳақда «BBC» хабар берди.

Маълум қилинишича, Квек Ю Сюань туғилганида вазни бор-йўги 212 грамм, бўйи эса 24 сантиметрни ташкил этиб, ҳомиладорликнинг 25-ҳафтасида дунёга келган. Онаси гўдакни ўзига преэклампсия (ҳаётий органларга зарар этказиб, она ва чақалоқ учун ҳалокатли бўлиши мумкин бўлган хавфли юқори қон босими) ташхиси қўйилгандан кейин фавқулодда кесерва кесиш йўли орқали туққан.

Қайд этилишича, касалхонадан чиқарилган пайтида Ю Сюаннинг вазни 6,3 килограмни ташкил этган. У туғилган Сингапур Миллий университети касалхонаси маълумотларига кўра, қизалоқ яшаб қолиш кўрсаткичлари дастлаб деярли нолга тенг бўлган.

Шифокорларнинг айтишича, уларнинг назорати остида Ю Сюаннинг саломатлиги ва ривожланиши яхшиланган. Бироқ шунга қарамай, чақалоқ ҳозир ҳам ўпканинг сурункали касаллигидан азият чекаётган бўлиб, шифокорларнинг тахминича, вақт ўтиши билан у соғайиб кетади.

Аввалроқ Ҳиндистонда 3 бошли бола туғилгани хабар берилган. Шунингдек, Индонезиядаги вулқон устида сирли яшил нур пайдо бўлгани маълум қилинганди.