Тошкент вилояти Чиноз туманида «жиҳод» мақсадида Сурияга кетмоқчи бўлган экстремистик гуруҳ аъзолари ушланди. Бу ҳақда Ички ишлар бош бошқармаси ахборот хизмати хабар берди.

Маълум қилинишича, вилоятда «Хавфсиз ҳудуд» кенг қамровли профилактик тадбирлари ўтказилган. Таъкидланишича, Чиноз туманида ўтказилган тезкор тадбирда яширин фаолият олиб бораётган «Жиҳодчилар» оқими аъзоларининг 10 нафари қўлга олинган.

Қайд этилишича, суриширув давомида бу шахслар «жиҳод» мақсадида Сурия давлатига чиқишни режалаштиргани аниқланган. Ҳозирда ҳолат юзасидан тергов ҳаракатлари давом эттирилмоқда.

Аввалроқ Тошкент вилоятида яширин экстремистик гуруҳ аъзолари ушлангани ва Фарғонада «Жиҳодчилар» оқими тарафдорлари фаолиятига чек қўйилгани хабар қилинган.