Тошкентда халқаро фан олимпиадалари ғолибларига 122 млн сўмдан берилди — фото

Тошкентда 17 август куни халқаро фан олимпиадалари ғолиб ва совриндорларини тақдирлаш маросими бўлиб ўтди, унда мусобақаларда юқори ўрин эгаллаганлар ва уларнинг устозларига пул мукофотлари топширилди. Бу ҳақда «Bugun.uz» мухбири хабар қилди.

Маълум қилинишича, мусобақаларда 1-ўринни (олтин медаль) олган ўқувчига базавий ҳисоблаш миқдорининг 500 баравар (122,5 миллион сўм), ўқитувчисига — 450 баравар (110,25 миллион сўм) миқдорида пул мукофот берилди. Шунингдек, 2-ўрин (кумуш медаль) учун ўқувчига базавий ҳисоблаш миқдорининг 300 баравар (73,5 миллион сўм), ўқитувчисига — 250 баравар (61,25 миллион сўм); 3-ўрин (бронза медаль) учун ўқувчига базавий ҳисоблаш миқдорининг 200 баравар (49 миллион сўм), ўқитувчисига — 150 баравари (36,75 миллион сўм) миқдорида пул мукофотлари ажратилди.

Таъкидланишича, 2021 йилнинг июль–август ойларида ўтказилган нуфузли халқаро олимпиадаларида ўзбекистонлик ўқувчилар жами 10 та медал соҳиби бўлишган, булардан 3 таси олтин, 2 таси кумуш ва 5 та бронза медали. 

Аввалроқ, Халқаро математика мусобақасида совриндор бўлган ўзбекистонлик талабалар тақдирлангани ва Ўзбекистонлик спорт олимпиадаси совриндорларининг мураббийларига қанча мукофот пули берилиши маълум бўлганди.

“Bugun.uz” янгиликларини “Telegram”да кузатиб боринг