«Толибон» ҳаракати инсон ҳуқуқлари бузилиши ҳақидаги айбловларга жавоб қайтарди

«Толибон» ҳаракати «Катта еттилик» (G7) раҳбарларининг Афғонистонда инсон ҳуқуқларига риоя қилиш зарурлиги ҳақидаги баёнотини танқид қилди. Бу ҳақда ҳаракатнинг сиёсий бюроси матбуот котиби Муҳаммад Наимга таяниб, «ТАCC» хабар берди.

Фото: «Associated Press»

Наимнинг сўзларига кўра, Ғарб давлатларининг бундай огоҳлантиришлари «Толибон» ҳаракати учун янгилик эмас.

«Биз 20 йилдан ошиқ Ғарб оммавий ахборот воситаларининг нишони бўлдик ва инсон ҳуқуқлари бузилиши ҳақидаги хабарлар қандай тайёрланишини яхши биламиз», — деган у.

Шунингдек, «Толибон» ўзига нисбатан ҳуқуқ ҳимоячилари томонидан айтилган айбловларни «бўш ва асоссиз» деб атаган. Ҳамда ҳаракатнинг аҳолини қатл қилиши ҳақида тарқалаётган хабарлар ҳақиқатга тўғри келмаслигини таъкидлаган.

Маълумот учун, G7 мамлакатлари 24 август, сешанба кунги фавқулодда виртуал саммитидан сўнг бўлажак Афғонистон ҳукуматини халқаро мажбуриятларга риоя қилишга, терроризмга қарши курашишга ва инсон ҳуқуқларини ҳурмат қилишга чақирган. Баёнотда «Толибон» зиммасига «терроризмнинг олдини олиш, аёллар, қизлар ва озчиликларнинг ҳуқуқларини ҳурмат қилиш ва Афғонистонда инклюзив сиёсий ечим топишга ҳаракат қилиш» вазифаси юкланган.

Аввалроқ «Катта еттилик» давлатлари «Толибон» ҳаракатига шарт қўйгани ҳақида хабар берилганди. Шунингдек, Афғонистон вице-президенти «Толибон» ҳаракатини қариялар ва болаларни ўғирлашда айблагани маълум қилинган.

Туркиянинг Шанлиурфа шаҳри 2023 йилда Ислом оламининг туризм шаҳри деб эълон қилинди
Янгиликлар13:43 | 29.1.23
Туркиянинг Шанлиурфа шаҳри 2023 йилда Ислом оламининг туризм шаҳри деб эълон қилинди
Ўзбекистонда ўртача иш ҳақи қарийб 4 млн сўмга етди
Янгиликлар13:03 | 29.1.23
Ўзбекистонда ўртача иш ҳақи қарийб 4 млн сўмга етди
Рўйхат: Ғарб давлатлари Украинага қандай ҳарбий техникаларни етказиб беришни ваъда қилди?
Янгиликлар12:31 | 29.1.23
Рўйхат: Ғарб давлатлари Украинага қандай ҳарбий техникаларни етказиб беришни ваъда қилди?
Ўзбекистон ЯИМ ҳажми 2022 йилда 80,4 млрд долларга етди
Янгиликлар11:59 | 29.1.23
Ўзбекистон ЯИМ ҳажми 2022 йилда 80,4 млрд долларга етди
Россиядан қўшни давлатларга пул ўтказмалари кескин ошди
Янгиликлар11:28 | 29.1.23
Россиядан қўшни давлатларга пул ўтказмалари кескин ошди
Эрондаги ҳарбий объектларга дрон ёрдамида зарба берилди — видео
Янгиликлар10:56 | 29.1.23
Эрондаги ҳарбий объектларга дрон ёрдамида зарба берилди — видео