Хитой ҳукумати Японияни Тайван билан алоқалари бўйича огоҳлантирди. Бу ҳақда «ТАСС» хабар берди.

Айтилишича, бу бўйича Хитой ташқи ишлар вазирлиги матбуот котиби Ван Вэньбинь баёнот берган. Қайд этилишича, Хитой расмийси Токиога Тайван масаласида Пекин билан келишилган тамойилларга риоя қилиш икки давлат ўртасидаги муносабатларни янада ривожлантириш учун асос эканини эслатган.

«Биз Япониянинг бу муаммони қайта кўриб чиқишини қатъий талаб қиламиз. Токио ҳеч қандай баҳона билан Хитойнинг ички сиёсий ишларига аралаша олмайди ва Тайванга нотўғри сигналлар бера олмайди», — деган котиб брифингда Япония ҳақидаги саволга жавоб бериб.

Дипломатнинг сўзларига кўра, Пекин мамлакат билан расмий алоқаси бор давлатларнинг мазкур ҳудуд билан ҳар қандай расмий алоқаларни давом эттиришга қатъий қарши. Баёнотда қайд этилган Тайван Хитойнинг провинцияларидан бири ҳисобланади.

Аввалроқ Хитой кемалари Япония сувларининг баҳсли ҳудудига кириб борганди. Шунингдек, Хитой Тайван бўғозига 150 та қирувчи самолёт жойлаштирган.