Ўзбекистонда қанча аҳоли спорт билан доимий шуғулланиши очиқланди

Олий Мажлис Сенатининг ўн саккизинчи ялпи мажлисида аҳолини, айниқса, ёшларни жисмоний тарбия ва спорт билан шуғулланишга кенг жалб этиш жараёнида юзага келаётган муаммолар тўғрисида Вазирлар Маҳкамасига юборилган парламент сўрови натижалари муҳокама қилинди. Бу ҳақда Сенат ахборот хизмати хабар берди.

Фото: Сенат ахборот хизмати

Маълум қилинишича, Президентнинг «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги фармони, «Аҳолининг жисмоний тайёргарлик даражасини баҳолаш тизимини жорий этишнинг ташкилий чора-тадбирлари тўғрисида»ги қароридаги вазифалар асосида соҳада қатор ишлар олиб борилмоқда. Хусусан, югуриш, юриш, велоспорт, бадминтон, стритбол, «Workout» ва бошқа спорт турлари бўйича жами 56 мингдан зиёд оммавий спорт тадбирлари ташкил этилиб, бу мусобақаларга 4 миллион 700 минг аҳоли жалб қилинган. Аҳоли ўртасида 31 мингга яқин соғломлаштириш (эрталабки бадантарбия) тадбирларида 3 миллион 3 мингга яқин аҳоли иштирок этган.

Қайд этилишича, таълим муассасаларининг 5359 та спорт зали инвентаризациядан ўтказилиб, уларнинг 4235 тасида дарслардан сўнг аҳолининг спорт билан шуғулланиши учун имконият яратилган. Натижада бир кунда 473 мингдан зиёд аҳолини спортга жалб қилиш имкони пайдо бўлган. Ҳар чоракда бир марта «Соғлом турмуш тарзи ривожланган маҳалла» танловини ташкил этиш йўлга қўйилган. 2021 йилнинг биринчи чорагида маҳаллаларда 70 мингга яқин спорт мусобақаси ўтказилиб, 2 миллиондан зиёд аҳоли иштироки таъминланган. Қолаверса, аҳолини кунлик юриш ва югуришга тарғиб қилиш мақсадида «Соғлом турмуш тарзи» www.1hls.uz веб-портали ҳамда унинг мобил иловаси яратилиб, ишга туширилган ҳамда юклаб олиш учун Google Play интернет тармоғига жойлаштирилган.

Фото: Сенат ахборот хизмати

Шу билан бирга, вазирлик, идора ва ташкилотларда ходимларнинг жисмоний тарбия ва спорт билан шуғулланиши учун шароит яратиш мақсадида «Спорт тарғиботчилари» тайинланган ҳамда уларга қўшимча вазифа юклатилган. Яратиб берилаётган шарт-шароит натижасида спорт билан доимий шуғулланувчи аҳоли сони 2020 йилдаги 19 фоиздан 21,3 фоизга етказилган.

Таъкидланишича, мажлисда сенаторлар амалга оширилган ишлар билан бирга айрим камчиликлар ҳам мавжудлигига эътибор қаратган. Аҳолини жисмоний тарбия ва спортга жалб этиш ҳисобини юритишнинг аниқ мезонлари йўқлиги туфайли жойларда бу борадаги кўрсаткичларни реал баҳолаш имкони мавжуд эмас. Айрим ҳудудларда бир марталик оммавий спорт тадбирларига жалб қилинган аҳолини жисмоний тарбия ва спорт билан мунтазам шуғулланувчилар рўйхатига киритиш орқали камров кўрсаткичларини ошириш ҳолатлари кузатилмоқда.

Фото: Сенат ахборот хизмати

Қайд этилишича, «Саломатлик учун 5000 қадам» каби акциялар бир марталик кампанияга айланиб, мунтазамлик касб этмаяпти. Ҳудудлардаги биринчи раҳбарлар мазкур акцияларда оммавий ахборот воситаларида, ижтимоий тармоқларда кўриниш бериш учунгина қатнашмоқда. Навоий вилоятида 199 та, Тошкент вилоятида 98 та, Хоразм вилоятида 48 та, Сурхондарё вилоятидаги 40 та маҳаллада велоспорт, юриш, югуриш йўлаклари мавжуд эмас. Баъзи ҳудудлардаги мутасаддилар томонидан «Саломатлик йўлаклари» сифатида тақдим этилаётган пиёдалар йўлаги белгиланган ўлчам ва талабга жавоб бермайди.

Шунингдек, Тошкент вилоятида 477 та, Сурхондарё вилоятида 235 та, Хоразм вилоятида 124 та, Андижон вилоятида 50 та маҳаллада «Workout» майдончаси ташкил қилинмаган. Хоразм вилоятида 171 та, Навоий вилоятида 131, Андижон вилоятида 71 та, Тошкент шаҳрида 47 та маҳаллада мини футбол майдонлари йўқ.

Фото: Сенат ахборот хизмати

Хабар берилишича, спорт объектларини давлат-хусусий шериклик асосида самарали бошқариш етарлича ташкил этилмаган. Инвестиция дастурларига киритилган спорт иншоотларида қурилиш-таъмирлаш ишлари сифатсиз бажарилгани учун улар яқорсизлигича қолмоқда. Жумладан, Поп туманида 2016 йил қурилган сузиш ҳавзаси 2 йил давомида ишламаган. Маҳаллий буджетдан қўшимча 500 миллион маблағ ажратилиб, қурилишдаги камчиликлар бартараф этилган.

Таъкидланишича, муҳокамалар сўнгида Сенатнинг тегишли қарори қабул қилиниб, мавжуд камчиликларни ҳал этишда парламент ва ҳукумат яқин ҳамкорликда фаолият юритишга келишиб олган.

Аввалроқ Сенатнинг ўн саккизинчи ялпи мажлиси ўз ишини бошлагани ва Сенатда вазирликнинг ярим йиллик фаолияти таҳлил қилингани хабар қилинган.

Туркия ва Суриядаги зилзила оқибатлари — фоторепортаж
Медиа, Янгиликлар16:39 | 6.2.23
Туркия ва Суриядаги зилзила оқибатлари — фоторепортаж
АҚШ Ўзбекистондан виза учун берилган аризаларнинг 47 фоизи рад этгани маълум бўлди
Янгиликлар16:33 | 6.2.23
АҚШ Ўзбекистондан виза учун берилган аризаларнинг 47 фоизи рад этгани маълум бўлди
Ўзбекистонда ҳафтанинг иккинчи ярмидан ҳаво яна совий бошлайди
Янгиликлар15:59 | 6.2.23
Ўзбекистонда ҳафтанинг иккинчи ярмидан ҳаво яна совий бошлайди
Қорақалпоғистонда автоҳалокат оқибатида 5 киши ҳалок бўлди — видео
Янгиликлар15:25 | 6.2.23
Қорақалпоғистонда автоҳалокат оқибатида 5 киши ҳалок бўлди — видео
Бухорода «Нукус воқеалари»га алоқадор яна 39 киши устидан суд бошланди
Янгиликлар14:51 | 6.2.23
Бухорода «Нукус воқеалари»га алоқадор яна 39 киши устидан суд бошланди
Шавкат Мирзиёев Ражаб Тоййиб Эрдўғонга ҳамдардлик билдирди
Янгиликлар14:41 | 6.2.23
Шавкат Мирзиёев Ражаб Тоййиб Эрдўғонга ҳамдардлик билдирди

Муҳим хабарлар

Туркия ва Суриядаги зилзила оқибатлари — фоторепортаж

16:39 · 06.02.2023

АҚШ Ўзбекистондан виза учун берилган аризаларнинг 47 фоизи рад этгани маълум бўлди

16:33 · 06.02.2023

Ўзбекистонда ҳафтанинг иккинчи ярмидан ҳаво яна совий бошлайди

15:59 · 06.02.2023

Қорақалпоғистонда автоҳалокат оқибатида 5 киши ҳалок бўлди — видео

15:25 · 06.02.2023

Бухорода «Нукус воқеалари»га алоқадор яна 39 киши устидан суд бошланди

14:51 · 06.02.2023

Шавкат Мирзиёев Ражаб Тоййиб Эрдўғонга ҳамдардлик билдирди

14:41 · 06.02.2023

Нукус воқеалари бўйича судланган собиқ ИИБ ходими Полат Шамшетов вафот этди

13:42 · 06.02.2023

«Бемор ўзи рози бўлиб ‘баракасиниʼ бериб кетади, етмайдими?». Иноятов шифокорларнинг маошлари камлигига жавоб қайтарди

12:08 · 06.02.2023

Ўзбекистон ТИВ Туркиядаги зилзила юзасидан расмий баёнот берди

11:32 · 06.02.2023

Туркия жанубида 7,4 балли зилзила содир бўлди — фото

11:13 · 06.02.2023