Олий Мажлиси Сенатининг ўн саккизинчи ялпи мажлисида Ташқи ишлар вазирлигининг 2021 йил биринчи ярим йиллигидаги фаолияти тўғрисида ахбороти эшитилди. Бу ҳақда Сенат ахборот хизмати хабар берди.

Маълум бўлишича, вазирлик томонидан хориждаги дипломатик ваколатхоналар билан биргаликда жами 411,5 миллион доллар миқдорида 473 та экспорт шартномаси тузилган. Шунингдек, 88,27 миллион долларлик беғараз техник ёрдам маблағлари ва грант жалб этилан.

Таъкидланишича, маҳаллий маҳсулотлар экспортини самарали тарғиб қилиш ва хорижий инвестицияларни жалб этиш мақсадида 706 та тақдимотлар ўтказилган. Таъкидланишича, хорижий оммавий ахборот воситаларида 719 та материал чоп этилиши таъминланган.

Шу билан бирга, Сенат томонидан ўтказилган ўрганиш, шунингдек, уни халқ депутатлари маҳаллий кенгашларидаги муҳокама қилиш жараёнида Ташқи ишлар вазирлиги фаолиятида қатор муаммо ва камчиликлар борлиги таъкидланган.

Аввалроқ мажлисда Танзила Норбоева тизимда амалга оширилган ўзгариш ва янгиликлар, хусусан, очиқлик ва ошкоралик борасида гапирганди. Шунингдек, Сенат раиси дарахтлар кесилиши билан боғлиқ ҳолатларнинг кўпаяётгани тўғрисида фикр билдирган.