Руандада боши нокка ўхшаш бола туғилди — фото
Унинг қандай касалликка чалингани ҳозирча номаълум
Марказий Африкада жойлашган Руанда мамлакатида яшовчи Бадженезе Либерате исмли аёл боши нокка ўхшаш болани дунёга келтирди. Бу ҳақда «Daily Star» хабар берди.
Қайд этилишича, бола туғилгандан кейин аёлнинг эри оиласини ташлаб кетган. Ундан олдин эса болани йўқотиш кераклигини айтган. Кейинчалик аёл ишидан ҳам айрилган. Ўғлини ҳимоя қилиш учун қолган фарзандларини шаҳарда қолдириб, қишлоққа кўчишга мажбур бўлган. Бироқ янги жойда ҳам одамлар болани қабул қилмаган.
Таъкидланишича, боланинг қандай хасталикка чалингани ҳозирча номаълум. Аёлнинг эса шифокорга мурожаат қилиш учун етарли маблағи йўқ. Аммо айни пайтда воқеадан хабар топган мамлакатдаги фаоллар чақалоқни чет элда даволатиш учун пул йиға бошлаган.
Аввалроқ Ҳиндистоннинг Уттар-Прадеш штатида 12 июль куни уч бошли бола туғилгани хабар берилганди. Шунингдек, Осиё мамлакатларидан бирида дунёдаги энг кичкина чақалоқ шифохонасидан чиқарилган.
