Жо Байден Исроил бош вазири Нафтали Беннет билан музокаралар давомида ухлаб қолди. Бу ҳақда «РИА Фан» хабар берди.

Маълум қилинишича, воқеа Оқ уй томонидан узатилган видеотасвирга тушган. Унда Америка раҳбарининг стулда ўтирганини, қўлларини қорнига қўйиб, кўзларини юмган ҳолда ухлаганини кўриш мумкин. Бу вақтда Исроил бош вазири Байден уни тингламаётганини тушунган, шу сабабли АҚШ президентига мурожаат қилмай гапирган.

Таъкидланишича, Дональд Трамп АҚШнинг амалдаги раҳбарига сайловолди кампанияларда «уйқучи Жо» лақабини берган. Собиқ президент учрашув пайтида Байденнинг тез-тез ухлаб қолишига эътибор қаратган. Ўз навбатида, Байден унутувчанлиги билан ҳам машҳур. У бир неча бор ўз нутқида юқори лавозимли амалдорлар ва ҳукумат идоралари номини унутган ва ноқулай вазиятга тушиб қолган.

Маълумот учун, июнь ойида АҚШнинг энг кекса президенти мамлакатни бошқаришга «руҳий жиҳатдан тайёр» эканини исботлаш учун когнитив тестдан ўтиши талаб қилинганди.

Аввалроқ Трамп Байденга Путин билан бўладиган учрашувда ухлаб қолмасликни тавсия қилганди. Шунингдек, Байден Оқ уйга кираверишда адашиб қолганди.