Байден Кобул аэропортида янги теракт содир бўлишидан огоҳлантирди

АҚШ президенти Жо Байден Америка армиясига таяниб, Кобул аэропортига яқин 24–36 соат ичида яна ҳужум уюштирилишини маълум қилди. Бу ҳақда «NBC News» хабар берди.

Фото: «Reuters»

Байденнинг сўзларига кўра, мазкур хабардан сўнг ҳарбий кучларга аэропорт ҳудудини ҳимоя қилиш учун барча чораларни кўриш бўйича кўрсатма берилган.

«Мен аэропорт ҳудудидаги эркаклар ва аёлларни қуруқликда ҳимоя қилиш учун барча ваколатлар ва ресурслар борлигини айтдим», — деган президент.

Маълум бўлишича, АҚШ элчихонаси ҳам ушбу маълумотни тасдиқлаб, америкаликларни Кобул аэропортини зудлик билан тарк этишга чақирган.

«Аниқ ва ишончли таҳдид туфайли Кобул аэропорти яқинидаги барча АҚШ фуқаролари аэропорт ҳудудини зудлик билан тарк этишлари керак», дейилади элчихона сайтида. Унда таъкидланишича, мазкур ҳудудга жанубий дарвоза, янги Ички ишлар вазирлиги биноси ва аэропортнинг шимоли-ғарбидаги Панжшер ёнилғи қуйиш шохобчаси ёнидаги дарвоза киради.

Афғонистон пойтахтида 26 август куни камида олтита портлаш содир бўлган. Кобул аэропортига кириш жойи яқинида биринчи теракт худкуш томонидан содир этилган. ИШИД гуруҳининг Марказий Осиё бўлими бўлган «Вилоят Хуросон» ҳужумлар учун жавобгарликни ўз зиммасига олган.

Аввалроқ Кобулда содир бўлган теракт тафсилотлари маълум қилинганди. Шунингдек, Байден мазкур воқеалардан кейин ИШИДга қарши авиазарба беришни буюрган. Бундан ташқари, «Толибон» ҳаракати Кобул аэропортида ИШИДнинг 3 нафар террорчисини қўлга олгани айтилган.

Ўзбекистонда ўртача иш ҳақи қарийб 4 млн сўмга етди
Янгиликлар13:03 | 29.1.23
Ўзбекистонда ўртача иш ҳақи қарийб 4 млн сўмга етди
Рўйхат: Ғарб давлатлари Украинага қандай ҳарбий техникаларни етказиб беришни ваъда қилди?
Янгиликлар12:31 | 29.1.23
Рўйхат: Ғарб давлатлари Украинага қандай ҳарбий техникаларни етказиб беришни ваъда қилди?
Ўзбекистон ЯИМ ҳажми 2022 йилда 80,4 млрд долларга етди
Янгиликлар11:59 | 29.1.23
Ўзбекистон ЯИМ ҳажми 2022 йилда 80,4 млрд долларга етди
Россиядан қўшни давлатларга пул ўтказмалари кескин ошди
Янгиликлар11:28 | 29.1.23
Россиядан қўшни давлатларга пул ўтказмалари кескин ошди
Эрондаги ҳарбий объектларга дрон ёрдамида зарба берилди — видео
Янгиликлар10:56 | 29.1.23
Эрондаги ҳарбий объектларга дрон ёрдамида зарба берилди — видео
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Янгиликлар21:24 | 28.1.23
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео