Буюк Британияда кўнгиллиларга юқтириш учун коронавируснинг «дельта» штамми сунъий равишда яратилди. Бу ҳақда «The Wall Street Journal» хабар берди.

Маълум қилинишича, сунъий «дельта» штамми тадқиқотда фойдаланиш учун Британия лабораториясида етиштирилган. Олимлар мазкур штаммни «қаттиқ назорат остида» ҳамда ҳимояланган лабораторияда кўнгиллиларга юқтирмоқчи.

Таъкидланишича, дастлабки сунъий штамм намунаси коронавируснинг шу турига чалинган одамдан олинган. Ҳозирда компания вирусни синаб кўришнинг дастлабки босқичлари учун етарли имкониятга эга экани айтилган.

Маълумот учун, коронавируснинг Ҳиндистонда пайдо бўлган «дельта» варианти дунёда энг кўп тарқалган штаммлардан бири ҳисобланади. Жумладан, у Ўзбекистонда ҳам қайд этилган. ЖССТ «дельта» варианти янги пандемияга сабаб бўлиши маълум қилинган. Эслатиб ўтамиз, Буюк Британия пандемия тадқиқотлари учун кўнгиллиларга вирусни атайлаб юқтирган дунёдаги ягона мамлакат ҳисобланади.

Аввалроқ коронавируснинг «дельта» штамми қайси ўта юқумли касалликка ўхшаши айтилганди. Шунингдек, олимлар коронавирус симптомларининг кенгайтирилган рўйхатини эълон қилганди.