Самарқандда «Lacetti» ҳайдовчиси машинасига кўк ва қизил чироқ-маёқчалар ўрнатган ҳолда ҳаракатланди — видео
Самарқанд вилоятида «Lacetti» ҳайдовчиси кўк ва қизил рангли ялт-ялт ёнувчи чироқ-маёқчалардан фойдаланган ҳолда ҳаракатлангани акс этган видео тарқалди. Вилоят Йўл ҳаракати хавфсизлиги бошқармаси ҳолат юзасидан изоҳ берди.
Маълум қилинишича, видео вилоят ЙҲХБ ходимлари томонидан ўрганилган. Натижада рухсат этилмаган бўлсада, «Lacetti» русумли автомобилнинг олд қисмига кўк ва қизил рангли ялт-ялт ёнувчи чироқ-маёқчалар ўрнатилгани аниқланган.
Таъкидланишича, ҳолат юзасидан ҳайдовчи О.Ж.га нисбатан баённома тузилиб, автомобиль вақтинча сақлаш учун жарима майдонига қўйилган.
Аввалроқ Фарғонада автомобиль рулини ўнг томонидан ўтириб бошқарган ҳайдовчига чора кўрилгани ва Бухорода юк машинасига сохта давлат рақам белгиси тақиб юрган ҳайдовчи ушлангани хабар қилинган.
