Бразилияда 18 ёшли қиз чақмоқ пайтида телефонидан олган электр токи оқибатида вафот этди. Бу ҳақда «Globo» нашрига таяниб, «УНИАН» хабар берди.

Маълум қилинишича, ҳодиса 29 август куни эрталаб мамлакат шимолида жойлашган Сантарем шаҳрида содир бўлган. Ўлимидан олдин 18 ёшли Ража Феррейра де Оливейра ўз уйида бўлган. У телефонни электр қувват олаётган вақтда ишлатган. Тўсатдан қизни қаттиқ электр токи урган ва ҳушидан кетган.

Таъкидланишича, қизнинг оиласи шифокорларни кутмаган ва биринчи ёрдамни кўрсатган. Шундан сўнг қиз касалхонага олиб борилган. Бироқ шифокорларнинг уринишига қарамай, Ража вафот этган. Қайд этилишича, Ража мамлакатнинг вафотидан олдин телефондан фойдаланган иккинчи фуқароси бўлган. Мазкур шаҳарнинг яна бир фуқароси ўлимидан олдин телефонда гаплашаётганда чақмоқ чақиши оқибатида ўлган.

Аввалроқ Бангладешда 17 киши чақмоқ уриши оқибатида ҳалок бўлгани ҳақида хабар берилганди. Шунингдек, Ҳиндистонда аёл селфига тушаётиб ўзини отиб қўйгани маълум қилинганди. Ҳамда Ҳиндистонда селфи тушаётган 20 га яқин кишини чақмоқ ургани айтилган.