Ислом ривожланиш банки президенти Муҳаммад ал-Жосир 28 август куни Тошкентга ташриф буюрди. Бу ҳақда Инвестиция ва ташқи савдо вазирлиги ахборот хизмати «Bugun.uz»га хабар берди.

Маълум бўлишича, ал-Жосир Олой бозори, Ҳазрати Имом мажмуаси ва Амир Темур музейига борган. Шунингдек, у Ислом ривожланиш банки одамларни камбағалликдан халос қиладиган, фуқаролар фаровонлигини таъминлаш ва миллий режаларини қўллаб-қувватлашга қаратилган лойиҳаларга мўлжалланганини айтган.

Таъкидланишича, банк раҳбарини бош вазир ўринбосари Сардор Умрзоқов кутиб олган. У Тошкентда 1–4 сентябрь кунлари бўлиб ўтадиган Ислом ривожланиш банкининг йиллик йиғилишида иштирок этиш учун келган. Шу билан бирга, банк президенти Ўзбекистонда олиб борадиган фаолияти тўғрисида гапирган.

 «Ривожланиш халққа нисбатан ва халқ учун содир бўлади. Кейинги 46 йил мобайнида банк иқтисодий жиҳатдан ҳаётий лойиҳалар орқали оддий инсонларнинг ҳаётини яхшилашга йўналтирилди. Одамлар билан ўзаро фаолиятим 2030 йилга бориб Ўзбекистонни юқори ва ўрта даромадли саноати ривожланган мамлакатга айлантириш бўйича истиқболни қўллаб-қувватлашда ҳукумат билан ишлаш учун қатъиятимни мустаҳкамлади. ИРБ миллий устувор мақсадларга катта эътиблор қаратади», — дейди ал-Жосир.

Аввалроқ Туркия вице-президенти Ўзбекистонга ташрифи давомида инвестиция ва ташқи савдо вазири Сардор Умрзоқов билан учрашгани хабар қилинган. Шунингдек, Қатар ташқи ишлар вазири бошчилигидаги делегация Тошкентга ташриф буюргани маълум қилинган.