Намангандаги оилалардан бирида 3 эгизак қиз туғилди
Наманган вилояти перинатал марказида бир йўла уч чақалоқ дунёга келди. Бу ҳақда «Bugun.uz»нинг вилоятдаги мухбири хабар берди.
Маълум қилинишича, қизларни дунёга келтирган аёл Норин туманининг Норинкапа қишлоғида яшовчи Раъно Саломова. Чақалоқларнинг вазни 2–2,5 килограм атрофида.
Оила эгизакларга Фотима, Зуҳра, Заҳро деб исм қўйган. Оиланинг бундан ташқари яна 2 нафар фарзанди бор экани таъкидланган.
Шифокорларнинг айтишича, эгиз қизлар соғлом ва бақувват. Оила аъзолари хушхабарни Мустақиллик билан қўшалоқ шодиёна сифатида нишонлаяпти.
Аввалроқ Фарғонада 4 нафар эгизак туғилгани ва Қашқадарёда 3 нафар эгизак чақалоқ дунёга келгани хабар қилинган.
