Россия президенти матбуот котиби Дмитрий Песков Кремлнинг Владимир Зеленский ва Жо Байден ўртасидаги учрашувдан кутилмалари ҳақида гапирди. Бу ҳақда «Газета.ru» хабар берди.

Унинг фикрича, Вашингтон Киевни Парижда имзоланган Минск келишувларини бажаришга ундаши мумкин. «Биз ўзимизни АҚШ ва Украина муносабатларига аралашишга ҳақли деб ҳисобламаймиз. Лекин, албатта, биз бу сафар натижаларини диққат билан кузатяпмиз, чунки АҚШ ҳақиқатдан ҳам жаноб Зеленскийга таъсир ўтказиши мумкин», — деган Песков.

Зеленский 31 августда Вашингтонга етиб келган. У 1 сентябрь куни Байден билан учрашиши режалаштирилган. Музокараларда «Шимолий оқим-2», Донбассдаги келишув, АҚШнинг ҳарбий ёрдами ва иқтисодий масалалар, шу жумладан, Америка сармоялари муҳокама қилиниши кўзда тутилган.

АҚШ Оқ уйи матбуот котиби Жен Псакининг айтишича, Байден ва Зеленский Қрим ва Донбассдаги ҳозирги вазият, Вашингтон ва Киевнинг энергия хавфсизлиги соҳасидаги ислоҳотлари, коррупцияга қарши кураш каби мавзуларни муҳокама қилади.

Аввалроқ Украина президентига АҚШга ташрифи олдидан маслаҳат берилганди. Шунингдек, АҚШнинг Украина ва Беларусга оид режалари маълум қилинган.