«Толибон» ҳаракати раҳбари Ҳайбатуллоҳ Охундзода Афғонистон ҳукуматини бошқариши маълум қилинди. Бу ҳақда «Tolo News» хабар берди.

Маълум бўлишича, янги ҳукумат раҳбари ким бўлишини ҳаракатнинг маданият бўйича комиссияси аъзоси Анамулла Самонгоний очиқлаган. «Ҳайбатуллоҳ Охундзода Афғонистон ҳукуматини бошқаради. Бу борада ҳеч қандай шубҳа бўлмаслиги керак», — деган у.

Аввалроқ, «Толибон» ҳарбий комиссиясининг юқори мартабали аъзоси янги ҳукумат тузилиши 3 cентябрда эълон қилинишини айтган. Америка қўшинлари Афғонистондан чиқиб кетиши фонида «Толибон» ҳаракати мамлакат бўйлаб ҳужумларни бошлаган ва барча йирик шаҳарларни босиб олиб, йигирма йиллик уруш тугаганини эълон қилган. Пойтахт шимоли-шарқидаги Панжшер жангарилар назоратидан ташқаридаги ягона вилоят бўлиб қолган.

Аввалроқ «Толибон» ҳаракати Панжшер вилоятига ҳоким тайинлаганди. Шунингдек, ҳаракат Афғонистонда янги ҳукумат тузишни бошлаган.