Шавкат Мирзиёев Ислом тараққиёт банки йиғилишида иштирок этади
Шавкат Мирзиёев 2 сентябрь куни Ислом тараққиёт банкининг 46-йиллик йиғилишида иштирок этади. Бу ҳақда Президент матбуот хизмати хабар қилди.
Маълум бўлишича, давлат раҳбари Ислом тараққиёт банки Бошқарувчилар кенгашининг Тошкентда бўлиб ўтаётган 46-йиллик йиғилишининг иккинчи кунида иштирок этади. Президент нутқи «Ўзбекистон 24» телеканали ва Шавкат Мирзиёевнинг ижтимоий тармоқлардаги расмий саҳифалари орқали жонли эфирда кўрсатилади.
Эслатиб ўтамиз, аввалроқ Ислом тараққиёт банкининг йиллик анжумани Ўзбекистонда ўтказилиши хабар қилинганди. Шунингдек, ИТБ президенти Тошкентга келгани ва банк анжумани бошлангани маълум қилинган.
