Украина Хавфсизлик хизматига номаълум шахс қўнғироқ қилиб, мамлакат президенти Владимир Зеленскийнинг ўлдирилиши мумкинлигини айтди. Бу ҳақда «Вести.ua» хабар берди.

Қайд этилишича, номаълум шахс Украина президентининг ҳаётига суиқасд уюштирилиши ва мамлакат парламентига ҳужум бўлиши мумкинлиги ҳақидаги хабарини 4 сентябрь соат 15:10 да берган. У ўзини Владимир Александрович Георгиев деб таништирган ва суиқасдга тайёргарлик ҳақида эшитганини айтган. Маълум бўлишича, қўнғироқ қилинган рақамнинг эгаси бўлган аёл нотаниш эркак ундан қўнғироқ қилиш учун телефон сўраганини таъкидлаган. Унинг фикрича, бу эркак руҳий касалликка чалинган ва, эҳтимол, уйсиз бир одам бўлган.

Айтилишича, қўнғироқ қилган одамнинг қаердалиги ҳозирча номаълум. Полиция воқеа юзасидан тергов ҳаракатларини бошлаган. Расмий идоралар бу бўйича ҳеч қандай маълумот бермаган.

Аввалроқ Гвинея махсус кучлари қўмондони ҳокимиятни қўлга олишга ҳаракат қилганди. Шунингдек, Гаити президенти ўз қароргоҳида отиб ўлдирилган.