«Толибон» ҳаракати Аҳмад Масъуд билан келишишдан бош тортди
«Толибон» ҳаракати Афғонистоннинг Панжшер вилоятидаги қаршилик кучлари раҳбари Аҳмад Масъуд билан келишишдан бош тортди. Бу ҳақда «РИА Новости» хабар берди.
Маълум қилинишича, Масъуд агар жангчилар жанговар ҳаракатларни тўхтатиб, вилоятдан чекинса, ўқ отишни тўхтатишга тайёрлигини айтган.
«Тинчлик ҳақидаги таклифимиз рад этилганидан кейин музокаралар учун мавзу қолмади. Ҳаракат етти туманни босиб олгандан сўнг вилоят марказида назорат ўрнатишга яқин қолди», — дея таъкидлаган Масъуд «Al Jazeera» телеканалига берган интервьюсида.
Маълумот ўрнида, август ойи бошида «Толибон» ҳаракати Афғонистондан Америка қўшинларини олиб чиқиб кетиши муносабати билан ҳукумат кучларига қарши катта ҳужум бошлади, 15 августда эса Кобулга кириб, президент саройини ўз назоратига олди. Ҳаракат назорати остига ўтмаган ягона вилоят Кобул шимоли-шарқидаги Панжшер бўлди.
Аввалроқ Панжшердаги қаршилик кучлари яна бир туманни «Толибон» ҳаракатидан қайтариб олганди. Шунингдек, ҳаракатнинг Панжшерга қилган навбатдаги ҳужуми тафсилотлари маълум бўлган.
