АҚШ тарихида биринчи марта президент рафиқаси Оқ уйдан ташқарида ишлашни бошлайди
АҚШ тарихида илк марта президент рафиқаси Оқ уйдан ташқарида иш бошлаши маълум бўлди. Бу ҳақда «Associated Press» хабар берди.
Маълум бўлишича, Жо Байденнинг рафиқаси коллежда академик ёзишдан дарс беради. Бу билан у мамлакат биринчи хонимларининг 231 йиллик анъанасини бузган ҳисобланади.
Таъкидланишича, АҚШ биринчи хоними Жилл Байден 7 сентябрдан Шимолий Виржиния жамоатчилик коллежида инглиз тили ўқитувчиси сифатида иш бошлайди. Шундай қилиб, у тарихда тўлақонли фаолият юритадиган биринчи АҚШ президенти рафиқасига айланади.
«Сиз алмаштира олмайдиган баъзи нарсалар бор ва мен дарсга қайтишни сабрсизлик билан кутаман», — деган Жо Байденнинг рафиқаси. Шунингдек, биринчи хоним ҳар доим ўз карьерасини қуришни хоҳлаганини таъкидлаган. Қайд этилишича, Жилл Байден фаолияти давомида иккита магистрлик ва докторлик илмий даражасини олган. 2009 йилда Жо Байден вице-президент бўлганидан сўнг у жамоатчилик коллежида иш бошлаган. Ҳатто турмуш ўртоғининг президентлик кампанияси пайтида ҳам Жилл дарс беришда давом этган.
Аввалроқ Байден конференциялар залида адашиб қолганди. Шунингдек, журналистлар билан мулоқот вақтида Байденнинг микрофони ўчириб қўйилган.
