Божхона қўмитаси 7 млрд сўмга 76 та машина харид қилди
Давлат божхона қўмитаси 7 миллиард 351 миллион сўмга 76 та машина харид қилди. Бу ҳақда «davletovuz» хабар қилди.
Маълум бўлишича, давлат харидлари порталида Давлат божхона қўмитаси турли позициядаги жами 76 та автомобилни 7 миллиард 351 миллион сўмга сотиб олгани қайд этилган. Автомобиллар 10 та «Lacetti», 14 та «Cobalt» ва 52 та «Nexia» транспорт воситасидан иборат бўлган.
Эслатиб ўтамиз, аввалроқ Мудофаа вазирлиги 30 миллион сўмга иккита тилла ручка сотиб олиши хабар қилинганди. Шунингдек, Ўзбекистонда суд раислари учун 26 та «Skoda Kodiaq» ва 3 та «Malibu» харид қилиниши ҳамда Сурхондарё вилояти ҳокимлиги салкам 350 миллион сўмлик 2 та машина сотиб олгани маълум қилинган.
