Ашхобод ва Тошкентда Ленинград блокадаси хотирасига бағишланган ёдгорликлар ўрнатилиши мумкин. Бу ҳақда «ТАСС» хабар берди.

Санкт-Петербург шаҳар матбуот хизматининг хабар беришича, шаҳар губернатори Александр Беглов Россия ташқи ишлар вазири Сергей Лавров билан ишчи учрашувда Туркманистон ва Ўзбекистондаги ҳамкорлари билан бу масалани ўрганаётганини маълум қилган.

«Ўтган йилнинг январь ойида бутун дунё учун муҳим воқеа содир бўлди. Қуддусда Россия президенти, Исроил президенти ва бош вазири иштирокида ‘Хотира нурлариʼ ёдгорлиги очилганди. Яқинда эса Манчестерда ёдгорлик тахтаси ўрнатилди. Олдинроқ Қирғизистон ва Арманистонда блокада болалари ёдгорликлари очилганди. Уруш пайтида бу республикалар эвакуация қилинган ленинградликларни қабул қилган. Ҳозир эса ҳамкорларимиз билан биргаликда Ашхобод ва Тошкентда блокада ёдгорликларини ўрнатиш устида ишлаяпмиз», дейилади хабарда 8 сентябрь куни Ленинград блокадаси билан боғлиқ воқеага 80 йил тўлишини эслатган ҳолда.

Аввалроқ Президент «Янги Ўзбекистон» мажмуасини очиб берганди. Шунингдек, Тошкент вилоятидаги «Янги Ўзбекистон» мажмуасининг очилиш маросимида Шавкат Мирзиёев «Янги Тошкент» лойиҳаси тўғрисида гапирган.