Байден 4 давлат «Толибон» ҳаракати билан келишишга ҳаракат қилишини айтди
АҚШ президенти Жо Байден Россия, Эрон, Хитой ва Покистон «‘Толибонʼ ҳаракати билан келишишга уриниши мумкинлигини маълум қилди. Бу ҳақда «Reuters» хабар берди.
Маълум қилинишича, давлат раҳбари журналистларнинг «‘Толибонʼ ҳаракатининг Хитой томонидан молиялаштирилишидан қўрқмайсизми», деган саволига жавоб берар экан, ХХРнинг ҳаракат билан жиддий муаммолари мавжудлигини таъкидлаган.
«Шуни ишонч билан айта оламанки, Хитой Покистон, Россия, Эрон каби ‘Толибонʼ ҳаракати билан баъзи келишувларни ишлаб чиқишга ҳаракат қилади», — деган у. Давлат раҳбарининг айтишича, ҳамма ҳозир нима қилиш кераклигини тушунишга ҳаракат қилмоқда.
«Энди нима бўлишини кузатиш қизиқарли жараён», — дея қўшимча қилган Байден.
Аввалроқ АҚШнинг Афғонистондаги мағлубияти учун ким товон тўлаши маълум қилинганди. Шунингдек, Германия собиқ канцлери «Толибон» ҳаракати Афғонистонни босиб олишига кимлар айбдорлигини айтганди.
