Ўзбекистонда ҳажми автобусдек келадиган динозавр суяклари топилди
Ўзбекистонда Япония ва канадалик мутахассислар ҳажми автобусдек келадиган динозавр суягини топди. Бу ҳақда Британиянинг «Royal Society Open Science» журналида чоп этилган мақолада айтилган.
Бу динозаврга «Ulughbegsaurus uzbekistanensis» деб ном берилган. Таъкидланишича, унинг оғирлиги бир тоннадан ошган, тана узунлиги эса 7,5–8 метр атрофида бўлган. У кархародонтозавридлар оиласига мансуб бўлган.
«Ўша пайтда бу маҳаллий экотизимдаги энг катта йиртқич бўлган», — деган мақола ҳаммуаллифларидан бири, Канаданинг Калгари университети профессори Дарла Зеленитская. Динозаврга Темурийлар давлатининг ҳукмдори Улуғбек шарафига шундай ном қўйилган.
Аввалроқ Намангандан 1200 йиллик ноёб кўза топилганди. Шунингдек, Ичан қалъада XIX асрга оид оқова сув қудуғи аниқланган.
