«Толибон» ҳаракатининг Панжшерни эгаллашига оид қўшимча маълумотлар берилди. Бу ҳақда маҳаллий маълумотларга таяниб, «Sputnik Афғонистон» хабар берди.

Маҳаллий манбаларга кўра, «Толибон»нинг Панжшерни қўлга олишига бир қатор вилоят аҳолисининг ҳаракатга ёрдам бергани сабаб бўлган. Қаршилик фронтининг «Толибон» ҳаракатига қарши ишлаб чиққан режаси самара берган, бироқ ҳаракат жангчиларининг ҳудудга бошқа тумандан кириб келиши оқибатида мазкур режа муваффақиятсизликка учраган.

Таъкидланишича, бу қаршилик фронти қўмондонлиги кучларининг бўлинишга мажбур бўлган, толибларнинг эса ютуғи билан якунланган. Шунингдек, «Толибон» ҳаракати Панжшерда кўплаб жангчиларни тўплагани маълум қилинган. Жангчи гуруҳлар қўшни Тахор, Бадахшон, Каписа, Париян ва Парван вилоятларида қолган. Ўз навбатида, Панжшер шаҳрида туғилган қўмондон Абдулҳамид Хуросоний, толиблар қўмондони Қори Фасиҳуддинга вилоят ҳудудлари ҳақида маълумот бергани айтилган.

Ҳозирги вақтда толиблар Панжшер водийсининг ўзи ва у бўйлаб ўтадиган йўлни, Шотолдан Париянгача, шу жумладан, барча асосий аҳоли пунктларини назорат қилмоқда. Шу билан бирга, Абшар ва Дара ҳудудлари, шунингдек, Хазар дараси панжшерликлар назорати остида қолгани айтилмоқда. Ҳамда Бағлон вилоятининг Андароб водийсида жанглар давом этаётгани ҳақида хабар берилган.

Маълумот учун, Панжшер аҳолиси «Толибон» ҳаракати билан бир масалада келишгани айтилганди. Шунингдек, «Толибон» ҳаракати Панжшер қаршилик кучлари билан бўлган жангда ортга чекингани ҳақида хабар берилганди. Шунингдек, «Толибон» етакчилари ўртасида ўзаро кураш бошлангани маълум қилинган.