Украина парламентида депутатлар уришиб кетди — видео
Украина парламентининг мажлислар залида икки нафар депутат бир-бири билан уришиб кетди. Бу ҳақда «Корреспондент» хабар берди.
Маълум қилинишича, келишмовчилик Халқ хизматчиси партиясининг халқ депутати Николай Тищенко ва халқ фракциясидан бўлмаган депутат Гео Лерос ўртасида юз берган. Тищенко минбарда нутқ сўзлаётган Леросни итариб юборишга уринган.
Қайд этилишича, воқеа Лерос трибунадан яна бир бор президент Владимир Зеленский ва президент девони раҳбари Андрей Ермакни танқид қилиб, уларни 2020 йил ёзида «вагнер гуруҳи» (Россиянинг мунтазам қуролли кучлари таркибига кирмайдиган норасмий ҳарбий ташкилот) ёлланма аскарларини ҳибсга олиш бўйича махсус операцияни бузганликда айблаганда юз берган.
«Бу ерда нима бўляпти? Тўхтанг!», — дея парламент раҳбари Дмитрий Разумков халқ депутатига мурожаат қилган. Халқ хизматчиси фракцияси раҳбари Давид Арахамия иккала депутатни ҳам вақтинча конференция залидан олиб чиқишни таклиф қилган.
Аввалроқ Италия парламентида депутатлар ўртасида можаро келиб чиққани ҳақида хабар берилганди. Шунингдек, Украина депутати Зеленскийнинг президент этиб сайланиши хато бўлганини айтгани маълум қилинган.
