Фарғонада блогер заҳарланиб, вафот этгани бўйча қўшимча маълумот берилди
Фарғона вилояти Қўқон шаҳрида яшовчи блогер Иқбол Комилжонов ички заҳарланиш ташхиси билан вафот этгани хабар қилинганди. Бош прокуратура матбуот хизмати ҳолат юзасидан муносабат билдирди.
Маълум бўлишича, блогер Иқбол Комилжоновни танқидий материаллар тайёрлаб, эълон қилиб боргани учун заҳарлашгани ҳақида ижтимоий тармоқда хабар тарқалган. «Bugun.uz»нинг ҳудуддаги мухбири ҳолатни ўрганиб, унга ички заҳарланиш ташхиси қўйилгани ҳақида хабар берганди.
Таъкидланишича, блогернинг вафот этгани юзасидан Фарғона шаҳар прокуратураси томонидан терговга қадар текширув олиб борилмоқда. Марҳумнинг ўлим сабабларини аниқлаш юзасидан суд-тиббий экспертизаси тайинланган.
Аввалроқ Тошкент вилояти Бекобод шаҳар ҳокимлиги ахборот хизмати раҳбари Илҳом Жўраев 37 ёшида вафот этгани хабар қилинганди.
