Тибетда тошларда аниқланган қўл ва оёқ излари энг қадимий топилма сифатида қайд этилиши мумкин. Бу ҳақда хитойлик олимларнинг тадқиқотига таяниб, «Science Bulletin» хабар берди.

Маълум қилинишича, бешта қўл ва бешта носимметрик оёқ излари 169 мингдан 226 минг йилгача бўлган даврни ўз ичига олиб, Лхасадан 80 километр шимоли-ғарбда жойлашган Кесанг қишлоғи яқинидан топилган.

Қайд этилишича, тадқиқотчилар изларнинг ҳажмига қараб уларнинг 7 ёшдан 12 ёшгача бўлган болаларга тегишли эканини тахмин қилмоқда.

Олимларнинг таъкидлашича, оёқ излари археологлар учун одатий, қўл излари эса камроқ учрайдиган объект ҳисобланади.

Аввалроқ Данияда «Қуёшни сақлаб қолиш учун» қурбонлик сифатида кўмилган хазина топилганди. Шунингдек, Хитойда 1500 йиллик тарихга эга севишганлар қабри аниқланган.