Ўзбекистонда xиёнат туфайли ажримлар кўпайгани маълум бўлди

АОКАда 20 сентябрь куни бўлиб ўтган брифингда Маҳалла ва оила илмий-тадқиқот институти директори Нодира Эгамбердиева Ўзбекистонда юзага келаётган ажримлар сабаблари ҳақида маълум қилди. Бу ҳақда «Bugun.uz» мухбири хабар берди.

Фото: «Bugun.uz»

Қайд этилишича, оилавий ажримларнинг омиллари, оқибатларини ўрганиш ва уларни камайтириш бўйича амалий тавсиялар ва чора-тадбирлар ишлаб чиқиш мақсадида Қорақалпоғистон республикаси, Сирдарё, Хоразм, Наманган, Тошкент вилоятларида охирги 5 йил давомида ўз оиласидан ажрашган 400 дан ортиқ шахс билан сўров ўтказилган. 

Сўров натижаларига кўра, оилавий ажримларнинг энг кўп учрайдиган сабаблари эр ва хотин ўртасида доимий маиший-психологик даражадаги келишмовчиликлар, ўзаро меҳрнинг йўқлиги (30,2%), эр, хотиннинг оила аъзоларининг оиланинг турмушига доимий аралашуви, улар билан келишмовчилик (21,2%), оилавий хиёнат (17,1%) ҳисобланиши аниқланган.

Келтирилишича, «Сиз учун оилавий ажримнинг энг оғир оқибатлари қайсилар бўлди?», — деган саволга респондентларнинг 64,3 фоизи «Фарзандим отасиз, онасиз ўсишга мажбур», — деб жавоб берганлар. Сўров иштирокчиларининг 35,2 фоизи мазкур саволга «Саломатлигим ёмонлашди, асаб касалига учрадим», — деган жавобни танлаган бўлиб, эркакларнинг 20 фоизи, аёлларнинг эса 40,1 фоизи шу жавобни берган.

Респондентларнинг 10,4 фоизи фарзандларининг тез жаҳли чиқадиган, агрессив бўлиб қолганини, 7,3 фоизи фарзандлари камгап, одамови бўлиб қолганини таъкидлаган бўлсалар, 8,5% респондентлар болалари доим отасини соғинишини, 4,1 фоизи фарзандларининг уйқуси бузилиб, иштаҳаси ёмонлашганини маълум қилган бўлса, яна 3,8 фоизи болаларининг мактабдаги ўқиши пасайиб кетилганини айтган.

Аввалроқ Ўзбекистонда сўнгги 8 ойда энг кўп ажрим қайси ҳудудда қайд этилгани айтилганди ва Ўзбекистонда эрта никоҳ ҳолатлари энг кўп қайси вилоятда қайд этилиши маълум қилинганди.

Тошкент ерусти метросининг 19 та бекати номи ўзгаради
Янгиликлар12:36 | 30.11.22
Тошкент ерусти метросининг 19 та бекати номи ўзгаради
Ўзбекистонда декабрь бошидан ҳаво кескин совийди
Янгиликлар12:09 | 30.11.22
Ўзбекистонда декабрь бошидан ҳаво кескин совийди
Тошкентда ЙПХ ходимларидан қочган Nexia ариққа тушиб кетди — видео
Медиа, Янгиликлар11:45 | 30.11.22
Тошкентда ЙПХ ходимларидан қочган Nexia ариққа тушиб кетди — видео
Тошкентнинг қатор кўчаларида ҳаракат вақтинча чекланди
Янгиликлар11:28 | 30.11.22
Тошкентнинг қатор кўчаларида ҳаракат вақтинча чекланди
Тошкентда чақирув бўйича борган профилактика инспектори ўлдирилди
Янгиликлар11:04 | 30.11.22
Тошкентда чақирув бўйича борган профилактика инспектори ўлдирилди
Самарқандда Америкага Мексика орқали юборишни ваъда қилган йигит ушланди
Янгиликлар10:49 | 30.11.22
Самарқандда Америкага Мексика орқали юборишни ваъда қилган йигит ушланди