Самарқанд вилоятида ички ишлар ходимлари фуқаронинг дўконини бузиб ташлаётгани айтилган хабар тарқалганди. Вилоят Ички ишлар бошқармаси ахборот хизмати ҳолатга муносабат билдирди.

Маълум бўлишича, ИИБ хабарга қуйидагича изоҳ берган:

«ИИБ ходимлари ҳар қандай ‘снос’ ишларига аралашмайди. Бу каби ҳолатлар содир бўлган жойларда уларнинг асосий вазифаси жамоат тартибини сақлаш ва жамоат хавфсизлигини таъминлашдан иборат».

Эслатиб ўтамиз, аввалроқ Самарқанддаги масжидда орган ходимлари ёш болани сўроқ қилгани хабар қилинганди. Шунингдек, Наманганда ИИБ ходимлари ота-болани сабабсиз олиб кетаётгани маълум қилинган.