Янгиликлар19:16 | 1.2.23
Тошкентда янги автобус йўналиши йўлга қўйилди«Толибон» ҳаракати Панжшер қаршилик кучлари билан тўқнашувда жиддий зарар кўрди
«Толибон» ҳаракати жангчилари Афғонистоннинг Боғлон вилоятида Панжшер қаршилик кучлари билан кечган шиддатли жангларда жиддий зарар кўрди. Бу ҳақда қаршилик фронтидаги манбаларига таяниб, «Коммерсант» хабар берди.
Маълум қилинишича, жанглар Пули-Ҳисор ва Дих-Сала туманларида бўлиб ўтган. Бу ерда ҳаракат 60 дан ортиқ одамини йўқотиб, чекинишга мажбур бўлган. Боғлон вилояти жануби-шарқда Афғонистонда ҳаракат ҳокимият тепасига келганидан кейин қаршилик марказига айланган Панжшер вилояти билан чегарадош ҳисобланади.
Маълумот ўрнида, «Толибон» ҳаракати ва миллий қаршилик фронти ўртасида Бағлон вилоятида тўқнашув юз берганди. Маълум қилинишича, вилоятнинг Андароб ҳудудида бўлиб ўтган тўқнашувда қаршилик кучларининг икки қўмондони ҳалок бўлган. «Томонлар ўртасидаги жангда, шунингдек, ‘Толибон’нинг 7 нафар аъзоси йўқ қилинди», дейилган хабарда.
Маълумот ўрнида, Панжшер қаршилик кучларини қўллаб-қувватловчи Афғонистон миллий конгресс партияси раиси Абдуллатиф Педрам қаршилик кучлари «Толибон» ҳаракати вакиллари билан музокара ўтказишга тайёрлигини ва Тожикистон бундай мулоқот учун мос майдонга айланишини таъкидлаган.
«Қаршилик кучлари ‘Толибонʼ ҳаракати билан музокараларни ҳеч қачон рад этмаган ва Тожикистон бунинг учун яхши минбарга айланиши мумкинлигини қайд этган», — дейди сиёсатчи. Унинг айтишича, Афғонистондаги қаршилик кучлари ва «Толибон» ҳаракати ўртасидаги уруш Панжшер вилояти шимолидаги водийларда, шунингдек, қўшни Боғлон вилояти ҳудудида давом этмоқда.
Қайд этилишича, қаршилик кучлари Панжшер дараси орқали ўтадиган асосий йўлнинг ҳар икки тарафидаги тоғ водийларини назорат қилмоқда.
Аввалроқ Панжшер қаршилик кучлари «Толибон» ҳаракати қўмондонларидан бирига қарши «ов» эълон қилганди. Шунингдек, уларнинг айни пайтда нима билан шуғулланаётгани кўрсатилганди.
