Ер аҳолиси ноябрда қандай космик ҳодисаларни кўриши маълум қилинди
Ер аҳолиси ноябрь ойида Ойнинг қисман тутилиши ва «юлдузлар ёмғири»ни кўриши маълум қилинди. Бу ҳақда Москва планетарийси матбуот хизматига таяниб, «ТАСС» хабар берди.
Маълум қилинишича, қисман Ой тутилиши 19 ноябрь куни Тошкент вақти билан соат 14:04 да содир бўлади ва 3 соат 28 дақиқа давом этади.
Таъкидланишича, аҳоли 17 ноябрдан 18 ноябрга ўтар кечаси эса ҳар йили 6 ноябрдан 30 ноябрга қадар кузатиладиган Леонид метеорит ёмғирининг максимал фаоллигини кўради. Уларни булутсиз осмон ва Ой ёруғи тушмаган, ёритилмаган ҳолда кўриш мумкин бўлади. Қайд этилишича, Ерга соатига 15 тагача метеорит тушиши мумкин.
Маълумот ўрнида, аввалроқ олимлар 2021 йил 10–12 август кунлари бутун дунё бўйлаб «юлдузлар ёмғири» — Персеид метеорлари тушишини кузатиш мумкинлигини маълум қилганди.
Аввалроқ Туркия осмонида ёрқин метеор учиб ўтганди. Шунингдек, Россияда осмонда космик медуза ҳодисаси содир бўлганди.
