NASA ўқотар юлдуз туркумидаги ноёб тасвирни намойиш қилди. Бу ҳақда «Daily Mail» хабар берди.

Маълум қилинишича, сурат Калифорния технология институти астрономи Роберт Хертнинг эътиборини тортган. Астроном тасвир «Годзилла» фильмининг шу номдаги тўқима қаҳрамони, яъни Годзилла махлуқига ўхшашини айтган.

«Мен суратдан йиртқич ҳайвонларни қидирмадим. Шунчаки тасвирни яқиндан кузатганимда юлдузлар туркуми тузилиши кино қаҳрамонини эслатди. Баъзан фотосуратга бошқача ракурсдан қарасангиз, унда илгари сезмаган нарсани кўришингиз мумкин», — деган у.

Таъкидланишича, Спитцер космик телескопи томонидан олинган суратда Годзилланинг кўзлари ва чўзилган тумшуғига ўхшаш ёрқин доғлар кўрсатилган. NASA маълумотларига кўра, юлдузлар Ердан номаълум масофада, аммо галактика ичида жойлашган.

«Улар Ердан тахминан 7800 ёруғлик йили узоқликда жойлашган бўлиб, пастки чап бурчакдаги Годзилланинг ўнг панжаси тасвирланган ёрқин майдон W33 номи билан танилган», дейилади хабарда.

Аввалроқ олимлар Сомон йўли марказидан чиққан ноодатий сигнални ёзиб олгани ва космосда иккита галактиканинг «рақси» намойиш қилингани ҳақида хабар берилган.