Олимлар Ерга диаметри 100 дан 200 километргача бўлган мегакомета яқинлашишини маълум қилди. Бу ҳақда «Новости планети» хабар берди.

Маълум қилинишича, мазкур кометанинг 2031 йилда яқинлашишини ҳаваскор телескопда ҳам кузатиш мумкин бўлади. Bernardinelli-Bernstein кометаси инсоният тарихидаги энг катта комета деб топилган. Бошқа космик жисмлардан фарқли ўлароқ, комета яқинда — 2021 йилнинг бошида кашф этилган. Ғайриоддий катта объектни биринчи марта пайқаган икки астроном Педро Бернардинелли ва Гари Бернстейн шарафига комета шундай номланган.

Шуниси эътиборга лойиқки, мазкур кометанинг қуёш тизимига биринчи марта «ташриф буюриши» эмас. Илгари объект тахминан 3,5 миллион йил олдин 18 астрономик бирликдан учиб ўтган. Bernardinelli-Bernstein кометаси ҳозир Қуёшдан 3 миллиард километр узоқликда жойлашган. Унинг тезлигини ҳисобга олган ҳолда космик жисм Ерга 10 йилдан кейин яқинлашиши айтилган. Таъкидланишича, комета Ерга ҳеч қандай хавф солмайди. У 2031 йилда Сатурн орбитасига яқинлашади, шундан сўнг Ердан узоқлашади. Уни телескоп ёрдамида кузатиш имкони бўлади.

Таъкидланишича, диаметри 100 дан 200 километргача бўлган объект ва комета тўқнашуви, эҳтимол, мисли кўрилмаган хавфни келтириб чиқариши мумкин. Таққослаш учун, Bernardinelli-Bernstein кометаси Сатурннинг Пандора йўлдошидан тахминан тўрт баравар катта.

Аввалроқ Ер учун хавфли астероидни йўқ қилиш усули аниқлангани ва Ерга кўплаб хавфли астероидлар яқинлашиши маълум қилинган.