NASA Ернинг янги суратларини намойиш қилди — фото
NASA’нинг космосга учирилган «Landsat-9» сунъий йўлдоши Ерни суратга олди. Бу ҳақда «Latest Breaking News» хабар берди.
Маълум қилинишича, расмлар 31 октябрь куни суратга олинган. Мутахассислар сунъий йўлдош тақдим этган тасвирлар Ерда юз бераётган иқлим инқирози ҳақида кўпроқ маълумот беришини маълум қилган. Таъкидланишича, расмда жами учта Детройт, Мичиган ва Сент-Клер кўли тасвирланган. Бундан ташқари, Флорида, Навахо округи ва Аризона қирғоқлари бўйлаб соҳилларни кўриш мумкин.
Аввалроқ Хаббл телескопи сўнаётган юлдузни суратга олгани маълум қилинганди. Шунингдек, NASA юлдуз туркумидаги ноодатий суратни намойиш қилгани хабар берилган.
