Фарғонада собиқ инспектор ички ишлар вазирига видеомурожаат йўллади

Фарғона вилояти Қува тумани собиқ инспектори Нозим Нишонов ички ишлар вазири Пўлат Бобожонов ва ИИВ Шахсий хавфсизлик бош бошқармаси бошлиғи Мухтор Мирзаевга видеомурожаат йўллади. Вазирлик матбуот котиби Шоҳруҳ Ғиёсов бунга муносабат билдирди.

Кадр: Telegram / @mobilmuxbiruz

Мурожаатга кўра, собиқ инспектор Қува туман ИИБ бошлиғи ўринбосари майор Аҳмаджоновнинг ҳодимларга нисбатан ноқонуний хатти-ҳаракати бўйича шикоят қилган. Жумладан, у майор шахсий манфаати учун профилактика инспекторларига кунлик 55 минг сўмлик «ўрта фонд» жорий қилгани, 100 бош қорамол учун қураётган молхонасига керакли қурилиш материалларини ходимлари зиммасига юклаганини таъкидлаган.

Бундан ташқари, у профилактика инспекторларига биттадан машинани жарима майдонига киритишни, бештадан машина учун жарима далолатномаси тузишни мажбурий қилиб берган. Буни амалга оширмаган ходимлар эса гап эшитган.

Нишонов раҳбарлар пул орқали ўзаро келишиб, ходимларга нисбатан тадбир ўтказганини айтган. Бу ноқонуний бўлиб, унда бошқа бир давлат органи қатнашмаслигини таъкидлаган. Шу билан бирга, Аҳмаджоновга нисбатан Қува туман ИИБ бошлиғи бирор чора кўрмагани айтилган. Собиқ инспектор ноқонуний равишда ички текширув ва тадбирлар ўтказиб келинганини, Аҳмаджоновнинг туман ҳокими ўринбосарини калтаклаб ҳам ҳеч қандай жазо олмаганини қўшимча қилган.

Мазкур ҳолат юзасидан туман, вилоят ИИБ раҳбариятига аноним тарзда мурожат қилинган, лекин бу жавобсиз қолган. Нишонов мурожаатида Аҳмаджоновнинг ноқонуний ҳаракатларига ички ишлар вазири Пўлат Бобожонов чора кўришини сўраган ва бунга исбот тарзида аудиоёзувга эгалигини айтган.

Ўз навбатида, ИИВ матбуот котиби Шоҳруҳ Ғиёсов бунга муносабат билдириб, ҳолат ўрнатилган тартибда текширилиб, унга ҳуқуқий баҳо берилишини маълум қилган.

Аввалроқ Бош прокуратура ходимининг иш жойида вафот этгани бўйича изоҳ берилганди.

Эрондаги ҳарбий объектларга дрон ёрдамида зарба берилди — видео
Янгиликлар10:56 | 29.1.23
Эрондаги ҳарбий объектларга дрон ёрдамида зарба берилди — видео
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Янгиликлар21:24 | 28.1.23
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
Янгиликлар20:51 | 28.1.23
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
«Ўзкимёсаноат» шина заводининг 80 млн долларга сотилганини асослаб берди
Янгиликлар20:17 | 28.1.23
«Ўзкимёсаноат» шина заводининг 80 млн долларга сотилганини асослаб берди
Ўзбекистонда қўшимча талаб этиладиган пиёз 1 апрелгача ички бозорларга киритилади
Янгиликлар19:44 | 28.1.23
Ўзбекистонда қўшимча талаб этиладиган пиёз 1 апрелгача ички бозорларга киритилади
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди
Янгиликлар18:50 | 28.1.23
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди