15:28 | 11.11.21 92
Россияда «Nissan Qashqai» ўзбекистонлик эркакни уриб кетди
Оқибатда у воқеа жойида ҳалок бўлган
Россиянинг Санкт-Петербург шаҳрида ўзбекистонлик эркак йўл-транспорт ҳодисасида ҳалок бўлди. Бу ҳақда ҳуқуқ-тартибот идораларидаги манбасига таяниб, «78.ru» хабар берди.
Маълум қилинишича, ҳодиса шаҳарнинг Пискарёв проспектида 10 ноябрь куни содир бўлган. 30 ёшли эркак «Nissan Qashqai» русумли автомобилида 38 ёшли Ўзбекистон фуқаросини уриб кетган. Жабрланувчи олган тан жароҳатлари туфайли воқеа жойида ҳалок бўлган.
Қайд этилишича, ҳолат юзасидан текширув ишлари бошланган.
Аввалроқ Россияда ўзбекистонлик йигит кўп қаватли бинодан қулаб, вафот этганди. Шунингдек, Россияда ўзбекистонлик эркакни калтаклаб, бошига ўқ узган шахс қўлга олинган.
