Буюк Британия қироличаси Елизавета II қиролликнинг ноодатий, яни меҳмонларнинг оғирлигини ўлчаш анъанасига амал қилиши айтилди. Бу ҳақда «Express» хабар берди.

Келтирилишича, қироличанинг мазкур одати режиссёр Пабло Ларреннинг «Спенсер: Малика Диана сири» фильми намойиш қилингандан сўнг маълум бўлган. Жумладан, фильм эпизодларидан бирида малика Сандрингем саройига Рождество байрамига қандай етиб келиши кўрсатилган. У келгач вазнини ўлчаш учун тарозига тортилган. У саройни тарк этганида ҳам оғирлигини ўлчаши керак бўлган.

Қироллик мутахассиси Ингрид Сьюарднинг сўзларига кўра, Елизавета II’нинг бобоси Британия қироли Эдуард VII даврида ташриф буюрувчилар ҳақиқатдан ҳам қабулдан олдин ва кейин вазни ўлчанганини таъкидлаган. Бу монархнинг зиёфат пайтида меҳмонларининг яхши овқатланиб, қўшимча вазн ортирганига ишонч ҳосил қилишига ёрдам берган. Елизавета II ҳам мазкур анъанани давом эттираётган бўлиши мумкинлиги қўшимча қилинган.

Аввалроқ Елизавета II‘нинг энг севимли машғулоти ва унинг қироллик тахтига кимни тайёрлаётгани маълум бўлганди.