Ўзбекистонда 2020/2021 ўқув йили бошида қарийб 650 минг нафар ўқувчи 1-синфга қабул қилингани маълум бўлди. Бу ҳақда Давлат статистика қўмитаси хабар берди.

Маълумотларга кўра, 2020/2021 ўқув йили бошида умумтаълим муассасаларининг 1-синфига қабул қилинган ўқувчилар сони 649,1 минг нафарни ташкил этган.

Таъкидланишича, ҳудудлар бўйича 1-синфга қабул қилинган ўқувчилар сони қуйидаги кўрсаткични ташкил этган:

• Қорақалпоғистон — 36,9 минг нафар;
• Андижон вилояти — 60,6 минг нафар;
• Бухоро вилояти — 34,5 минг нафар;
• Жиззах вилояти — 27 минг нафар;
• Қашқадарё вилояти — 66,4 минг нафар;
• Навоий вилояти — 18,8 минг нафар;
• Наманган вилояти — 53,1 минг нафар;
• Самарқанд вилояти — 77,5 минг нафар;
• Сурхондарё вилояти — 53,3 минг нафар;
• Сирдарё вилояти — 15,8 минг нафар;
• Тошкент вилояти — 52,6 минг нафар;
• Фарғона вилояти — 70,9 минг нафар;
• Хоразм вилояти — 36 минг нафар;
• Тошкент шаҳри — 45,7 минг нафар.

Аввалроқ Ўзбекистонда рус мактаблари ташкил этилиши мумкинлиги хабар қилинганди. Шунингдек, мактабларда 2 та фан бирлаштирилиб, ягона фан ташкил этилиши маълум қилинган.