Ўзбекистон 2021 йилнинг январь–сентябрь ойларида 24 та хорижий давлатга қиймати 220,5 миллион АҚШ долларига тенг бўлган 217,3 минг тонна полиэтилен экспорт қилди. Бу ҳақда Давлат статистика қўмитаси ахборот хизмати хабар берди.

Таъкидланишича, полиэтилен экспорти 2020 йилнинг мос даври билан солиштирганда 52 минг тоннага камайган.

Шунингдек, 2021 йилнинг 9 ойида Ўзбекистон энг кўп полиэтилен экспорт қилган давлатлар қуйидагилар:

• Туркия — 61,1 минг тонна;
• Россия — 42,9 минг тонна;
• Хитой — 40,2 минг тонна;
• Латвия — 25,3 минг тонна;
• Қозоғистон — 20 минг тонна;
• Украина — 14,6 минг тонна.

Аввалроқ Ўзбекистонда ип-калава экспортига вақтинчалик қўшимча тўлов киритилаётгани маълум қилинганди. Шунингдек, мамлакат 9 ойда режадагидан ортиқ қурилиш материали экспорт қилгани маълум бўлган.