Дипломат Роман Бессмертний Россия президенти Владимир Путин Украина президенти Владимир Зеленскийни қандай камситганини айтди. Бу ҳақда « РИА Новости» хабар берди.

Маълум қилинишича, сиёсатчи Украинанинг Донбасс бўйича музокаралардаги собиқ вакили ҳамда мамлакатнинг Минскдаги собиқ элчиси сифатида фаолият юритган. У Путин ва Россия Хавфсизлик кенгаши раиси ўринбосари Дмитрий Медведев Зеленскийни ўзи бошқарган мамлакат ҳақидаги мақолалари билан камситганини қайд этган.

«Эътибор беринг, Путин ва Медведев Зелеснкийни икки мақоласи билан қанчалик тез бурчакка итарди. Улар Украина президентини камситди ва унга адекват жавобни шакллантириш имкониятини бермади. Бунинг сабаби шундаки, бу ҳақоратли нарсаларга жавоб йўқ. Жаноб Зеленский худди иккичи ўқувчи каби элементар саволларга жавобларни билмайди: у доскада туради ва ўқитувчининг саволларига жавоб бера олмайди, ҳаттоки элементар товуш чиқара олмайди», — деган у.

Дипломатнинг таъкидлашича, Украина раҳбари россиялик сиёсатчилар томонидан берилган саволларга жавоб топиши керак, чунки Киев Москва билан уруш ҳолатида. Шу билан бирга, Бессмертний россиялик журналистлар кўтарган мавзуга Украина ОАВларида муқобил жавоб йўқлигини айтган.

«Кишида шундай таассурот пайдо бўладики, Украина томони етакчилардан бир ёноғига зарба олиб, иккинчисини зарба учун тутиб туради», — дея қўшимча қилди сиёсатчи.

Аввалроқ Британия Россия сабабли Украинага ҳарбийларини жойлаштирмоқчилиги ва Британия генерали Россия билан уруш хавфи юқорилигини айтгани хабар қилинган.