Тошкентда 19 ёшли йигит йўл ҳаракати қоидаларини бир неча бор бузиб ҳаракатланди — видео

Тошкент шаҳрида йўл ҳаракати қоидаларини менсимасдан, атрофдагилар учун хавф туғдирган ҳолда ҳаракатланган 19 ёшли ҳайдовчига баённома расмийлаштирилди. Бу ҳақда Тошкент шаҳар Йўл ҳаракати хавфсизлиги бошқармаси ахборот хизмати хабар берди.

Фото: Тошкент шаҳар Ички ишлар бош бошқармаси ахборот хизмати

Маълум қилинишича, интернетда тарқалган видеолардан бирида муаллиф йўл ҳаракати қоидаларини менсимасдан автомобиль бошқариб, атрофдагилар учун хавф туғдирган ҳолда ҳаракатлангани акс этган.

Шундан сўнг унинг шахси аниқланиб, кадрдаги транспорт воситаси «Lacetti» (давлат рақами 01 074 TBA), суратга олиш давомида уни бошқарган ҳайдовчи эса 19 ёшли Ш.А. экани маълум бўлган. Айни вақтда йигит ота-онасидан бири билан бирга хорижда бўлиб, Ўзбекистонга қайтган заҳоти у билан профилактик суҳбат ўтказилиши режалаштирилган.

Ҳозирда Ш.А.га нисбатан Маъмурий жавобгарлик тўғрисидаги кодекснинг 1285-моддаси (Транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) бўйича баённома расмийлаштирилган.

«Ҳурматли ҳайдовчилар! Йўл ҳаракати қоидаларини менсимаслик ва юқоридаги каби видеоларни интернетга жойлаш билан сиз нафақат амалдаги қонунчиликка нисбатан, балки атрофдагилар ва ўзингизнинг соғлиғингизга нисбатан бефарқ эканингизни намойиш этасиз», дейилади хабарда.

Аввалроқ Самарқандда машинасида дрифт қилган ҳайдовчига чора кўрилгани ҳақида хабар берилганди. Шунингдек, Тошкентда бошқарув вақтида видеоролик томоша қилган автобус ҳайдовчисига чора қўрилган.

«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Янгиликлар21:24 | 28.1.23
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
Янгиликлар20:51 | 28.1.23
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
«Ўзкимёсаноат» шина заводининг 80 млн долларга сотилганини асослаб берди
Янгиликлар20:17 | 28.1.23
«Ўзкимёсаноат» шина заводининг 80 млн долларга сотилганини асослаб берди
Ўзбекистонда қўшимча талаб этиладиган пиёз 1 апрелгача ички бозорларга киритилади
Янгиликлар19:44 | 28.1.23
Ўзбекистонда қўшимча талаб этиладиган пиёз 1 апрелгача ички бозорларга киритилади
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди
Янгиликлар18:50 | 28.1.23
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди
Самарқандда светофорнинг қизил чироғига ўтган автобус пиёдалар ҳаётига жиддий хавф солди — видео
Янгиликлар17:22 | 28.1.23
Самарқандда светофорнинг қизил чироғига ўтган автобус пиёдалар ҳаётига жиддий хавф солди — видео