Наманган шаҳрида 20 ноябрь куни бир-бирига туташ қурилган уйларда ёнғин содир бўлди. Бу ҳақда Фавқулодда вазиятлар вазирлиги ахборот хизмати хабар берди.

Маълум бўлишича, воқеа соат 07:10 да шаҳарнинг Истиқбол МФЙда юз берган. Оқибатда ушбу манзил ҳудудида жойлашган бир-бирига туташган уйлар зарар кўрган. Ҳодиса жойига шаҳар Фавқулодда вазиятлар бошқармасининг 6 та ёнғин-қутқарув экипажи соат 07:16 да етиб бориб, ёнғин соат 07:58 да тўлиқ ўчирилган.
 
Бунда 4 та уйнинг тахминан 300 квадрат метр майдонда том, шифт қисми ва уй жиҳозлари ёниб зарарланган. Қайд этилишича, содир бўлган ёнғинда жабрланган ва ҳалок бўлганлар йўқ. Ҳозирда бунинг сабаби ҳамда келтирилган моддий зарар миқдори аниқланмоқда.

Аввалроқ Самарқанддаги клей ишлаб чиқариш цехида ёнғин содир бўлгани хабар қилинганди. Шунингдек, Тошкент вилоятида мебель дўкони ёниб кетгани маълум қилинган.