Россия президенти Владимир Путин коронавирусга қарши қайта эмланди. Бу ҳақда «РИА Новости» хабар берди.

Маълум бўлишича, Россия раҳбари «Спутник Light» вакцинаси билан қайта эмланган. Путин қайта эмланишдан сўнг ўзини яхши ҳис қилаётганини таъкидлаган. Бундан ташқари, президент бурун спрейи кўринишидаги коронавирусга қарши вакцина синовида қатнашишга тайёрлигини айтган.

Эслатиб ўтамиз, аввалроқ Россия президентининг матбуот котиби Дмитрий Песков Путин коронавирусга қарши эмланганини маълум қилганди. «Путин коронавирусга қарши эмланди. Ўзини яхши ҳис қилмоқда. Эртага уни тўлиқ иш куни кутиб турибди», — дея маълум қилган Песков.

Шунингдек, Путин олдин коронавирусга қарши қайси вакцина билан эмлангани маълум қилинган.