NASA марсоходи Марсда қуёш ботишини суратга олди — фото
NASA’нинг Perseverance марсоходи Марсда қуёш ботишининг ноёб манзарасини суратга олди. Бу ҳақда «digitaltrends.com» хабар берди.
Маълум қилинишича, суратда қуёшнинг оқарган ҳолатда ботиши тасвирланган. Қуёш сайёра учун ғайриоддий ёруғликда бўлган Марснинг қояли ландшафти орқасига тушган. Астрономларнинг айтишича, одатда Марсдаги қуёш ботиши ўзига хос кўк рангга эга.
«Аммо бу қуёш ботиши бошқача кўринади. Камера артефактларини олиб ташлаш учун фотосурат бироз оқартирилган», деган агентлик.
Эслатиб ўтамиз, NASA марсоходи олган янги суратлар эълон қилинганди. Суратда марсоход cайёрадаги тоғ жинслари юзасини силлиқлаётгани акс этган.
