Ўзбекистон ташқи қарзи учун ўрнатилган лимит 2022 йилда ўзгариши мумкин

Ўзбекистон номидан ҳамда давлат кафолати остида ташқи ва ички қарзларни жалб этиш бўйича йиллик лимит давлат бюджети лойиҳасида кўрсатилади ва парламент тасдиғидан ўтади. 2022 йил учун Молия вазирлиги максимал 4,5 миллиард доллар ташқи қарз жалб этишни таклиф этган. Бу ҳақда вазирлик департамент директори Жасур Қаршибоев «Bugun.uz»га маълумот берди.

Фото: «Bugun.uz»

«Ўзбекистон Республикаси номидан ва давлат кафолати остида ташқи қарзга 4,5 миллиард доллар миқдордаги лимит ўрнатилиши кўзда тутилмоқда. Шундан 2,5 миллиард доллар келгуси йил учун бюджет тақчиллигини молиялаштириш, 2 миллиард доллар эса ижтимоий инфратузилмалар ҳамда инвестицион лойиҳаларни молиялаштириш учун сарфланади», — деди департамент директори Жасур Қаршибоев.

Қаршибоевнинг айтишича, давлат қарзини хавфсиз даражада сақлаш учун лимитлар босқичма-босқич камайтирилмоқда. Яъни асосий урғу қарз билан боғлиқ бўлмаган молиялаштириш манбаларига қаратилган. Масалан, 2020 йилда давлат ташқи қарзига лимит 5,5 миллиард доллар бўлганди, 2021 йилда ушбу чегара 500 миллион долларга пасайтирилди. 2022 йилда кўрсаткич яна 500 миллион долларга камайтирилиши назарда тутилган.

«Ўтган даврда имзоланган қарз шартномаларида кўрсатилган маблағларни ўзлаштириш ҳисобига 2022 йилда давлат қарзи бироз ўсиш тенденцияси давом этади. Ўрта муддатда давлат қарзи ЯИМга нисбатан 40 фоизга яқинлашиши кутилмоқда», — дея қўшимча қилди у.

Маълумот учун, 2022 йилда Ўзбекистон ялпи ички маҳсулотнинг 6 фоиз ўсиши прогноз қилинган. Консолидациялашган бюджет тақчиллигининг юқори чегараси 25,5 триллион сўм ёки ялпи ички маҳсулотга нисбатан 3 фоиз миқдорида белгиланмоқда.

Аввалроқ Ўзбекистонда 2022 йил учун ташқи ва ички қарз миқдори белгиланиши хабар қилинганди. Шунингдек, мамлакатнинг 2022 йил учун давлат бюджети лойиҳаси эълон қилинган.

Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Жаҳон23:54 | 3.10.22
Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жамият23:27 | 3.10.22
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Жамият23:06 | 3.10.22
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Тошкентда туман ҳокимлигининг бош юрисконсульти пора билан ушланди
Жамият22:33 | 3.10.22
Тошкентда туман ҳокимлигининг бош юрисконсульти пора билан ушланди
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Жамият22:02 | 3.10.22
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Сурхондарёда ўрмон ерлари сотилаётгани юзасидан баёнот берилди
Жамият21:31 | 3.10.22
Сурхондарёда ўрмон ерлари сотилаётгани юзасидан баёнот берилди